Сиыр цепені: 1-бөлім

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Сиыр таспа құрты паразитінің өмір сүру циклі күрделі, бұл оларға біздің ағзамызға тағам арқылы кіріп, ішекте өсуге мүмкіндік береді.

    Маңызды деректер

    • Адам денесінде паразит құрттардың 300 түрі болады.
    • Олардың ең кең таралғаны – сиыр таспа құрты; ол адам денесіне инфекцияланған ет не балық арқылы енеді.
    • Сиыр таспа құрты аш ішекте жұмыртқа шашып, ішек қабырғасына жабысып алады.
    • Сиыр таспа құрты салыстырмалы түрде зиянсыз, бірақ емделмеген жағдайда 10 метрге дейін өсе алады.
  • Транскрипт
  • Транскрипт

    Транскриптті жүктеу

    Біздің ішектерімізді біз жеген тамақпен қоректеніп,

    тіршілік ететін тірі ағзалар жаулап алуға дайын тұрады.

    Паразиттер.

    Адамда болатын паразит-құрттардың 300-ден аса түрі бар.

    Олар біздің ағзамызға паразит жұмыртқалары қонған ет немесе балықты жеген кезде енеді.

    Кең таралған паразиттердің бірі – сиыр таспақұрты.

    Бұл індет әлем бойынша таралған, бірақ көбінесе Африкада, Шығыс Еуропаның кейбір аймақтарында, Латын Америкасында және Филиппинде кездеседі.

    Ол аш ішекте жұмыртқаны жарып шығып, ақ кеспе тәрізді ұзын құрт болып өседі.

    Оның денесі көптеген қайталанатын сегменттерден тұрады және таспақұрт басымен немесе сколекспен ішек қабырғасына бекініп алады.

    Қайталама сегменттер. Сколекс

    Сиыр таспақұрты аса зиянды емес, дегенмен ол адам ішегіндегі тағам молекулаларын өзінің терісі арқылы сіңіріп, ең маңызды қоректік заттарды тартып алады.

    Осылайша сиыр таспақұрты ұзақ жылдар бойы тіршілігін жалғастырып, тіпті 10 метрге дейін өседі.

    Алайда біз ішімізде құрттың бар екендігін, үлкен дәреттен шығатын ақ түйіршіктерді көргенше сезбеуіміз мүмкін.

    Бұл құрттың көбейе бастағанының белгісі. Сиыр таспақұртында аталық жыныс мүшесі де, аналық жыныс мүшесі де болады, сол себепті ол өз жұмыртқасын ұрықтандыра алады.

    Олар бір талпынғанда 30 000-на астам кішкентай ақ сегмент түріндегі жұмыртқа салады. Кейін жұмыртқалар ішектен жылжып, тік ішек арқылы сыртқа шығады.

    Енді адамның денесінен тыс сиыр таспақұртының тіршілік циклі қайта басталады.

    Кейбір елдерде фермерлер адамның үлкен дәретін егістік жерлерді тыңайту үшін қолданады. Дәрет құрамында таспақұрт жұмыртқасы болуы ықтимал және оны сиырдың жеп қоюы әбден мүмкін.

    Желінген жұмыртқадан дернәсіл шығып, сиыр бұлшық еттеріне енеді де, цистаға айналады.

    Цисталар бұлшық етте тіршілік етеді. Егер ет дұрыс пісірілмесе, біздің жеген тамағымыз арқылы аш ішекке түседі.

    Сөйтіп, таспақұрт өмірінің келесі циклі басталады.

  • Ұқсас фильмдер
  • Ұқсас фильмдер